في حال وجود أي مواضيع او ردود مُخالفة من قبل الأعضاء ، يرجى الإبلاغ عنها فورا باستخدام أيقونة ( تقرير عن مشاركة مخالفة ) ، و الموجودة أسفل كل مشاركة .

التربيه العسكريه بجامعه الزقازيق ؟

التربيه العسكريه بجامعه الزقازيق


السلام عليكم ورحمه الله وبركاته
هنتكلم على التربية العسكرية
والوضع الراهن هناك على الجبهه بجامعة الزقازيق بس الاول أوضح شويه حاجات عن

التربية العسكرية

أولا / ما معنى تربية عسكرية ؟

التربية العسكرية هي مادة إلزامية مثلها مثل أي مادة يتم تقريرها على طلبة المرحلةالعليا من التعليم الجامعي ويحق للطالب الإلتحاق بها منذ العام الأول له وأي فترة يحب الإلتحاق ليؤدي التربية العسكرية ..
( أوجبت التربية العسكرية على طلبة الجامعات طبقا للقانون العسكري الصادر عام 1973 م.

يعنى هى فى الاول والاساس ماده على الذكور فقطمش هاتاخد الشهادة المؤقتة بتاعة التخرج الا لما تمتحن فيها وتنجح فيهايعنى لازم تمتحن فيها , وتنجح فيها .. فقط عشان يبعتوا لشئون الطلبة عندك ورقة تفيد بان انت امتحنت مادة التربية العسكرية ونجحت فيها

ممكن تاخدها فى اى سنة .. ممكن تاخدها فى اولى او فى تانية او تالتة او رابعة براحتكومش مهم هاتاخدها فى الصيف ولا فى الشتا .. يعنى فى اجازة نصف السنة ولا اجازة اخر السنة ولا اثناء السنةتاخدها فى اى وقت .. بس مش هاتاخد الشهادة المؤقتة بتاعة التخرج الا لما تأدى التربية العسكريةهى هاتفرق معاك فى ميعاد اداءها فى حالة واحدة فقط .. لما تكون فى سنة رابعة هاتفرق معاك فى التوقيت عشان تقديم ورق الجيش





ايه علاقة التربية العسكرية بالجيش؟

لما تيجى تقدم للجيش بعد ما تخلص امتحانات سنة رابعة بيطلبوا منك الشهادة المؤقتة او بيان النجاح اللى يثبت انك خريج من الكلية دىطبعامش هاتاخد بيان النجاح الا لما يتبعت ورقة لشئون الطلبة من ادارةالتربيةالعسكرية بتقول ان انت أديت التربية العسكرية اللى عليك ونجحت فىالدورةوطالما انت ما اديتش التربية العسكرية يبقى مش هاتاخد بيان النجاح من الكليةومادامماخدتش بيان النجاح من الكلية يبقى ورق تقديمك للجيش هايكون ناقص و مش مستوفى , وعليه هاتعتبر هارب من التجنيد وممكن تتحاكم عسكريا !
يعنى يستحسن انك تخلص من التربية العسكرية قبل ما تتزنق فى التيرم الثانى من اخر سنة ليك فى الكلية

أيه الفرق ما بين التربية العسكريةوالجيش ؟

التربية العسكرية حاجة والخدمة العسكرية حاجة تانيةالخدمة العسكرية دى اللى هى الجيش .. ودى عشان تاخدها لازم يكون ليك اخوات ولاد وما يكونش فيك عيب طبى ... الخيعنى مش اى حد بياخدها .. وبتتراوح مدتها ما بين سنة على الاقل ل1 او3 سنوات انما التربية العسكرية اى حد بياخدها اجبارى والمدة بتبقى مختلفة عن كدة خالص

طب مين اللى بيأدى التربية العسكرية؟

وايه الحالات الاستثنائية اللى تعفينى من اداءها؟

اى حد ياخدها طالما هو طالب فى جامعة من الجامعات الحكومية .. حتى لو مالوش اخوات ولاد ومعفى من الخدمة العسكريةوقريبا بيفكروا يدخلوها على الجامعات الخاصة كماناما بالنسبة للاستثناءات ففى فقط

3 اسباب تخليك ما تاخدش التربية العسكرية

1- شلل الاطفال
2- عمى كامل فى كلتا العينين
3- قطع فى احد الاطراف

غير كدة هاتاخد التربية العسكرية بتاعتك يعنى هاتاخدها

يعنى من الاخر هتاخدها هتاخدها ممكن لو تعبان قووى تعمل كشف طبى تبعهم هما واقصى حاجه بتاخدها إعفاء من الطابور

خطوات عمل التربية العسكرية؟

الخطوات بسيطه جدا كل اللى هتعمله بتجيب صورتين وصورة من البطاقه الشخصيه وصورة من كارنيه الجامعه وتروح بيهم المبنى الثالث إللى جنب كفايه إنتاجيه الدور الخامس المبنى اللى جنب إدارة المستشفيات بالتحديد اللى خلف مسجد الجامعه لو تهت ممكن تسأل جنب كفايه أنتاجيه وتسال على ميعاد الدورةالعسكريه وتقدم ورقك ليهم هيدوك كارنيه بتاع الدورة يبقى أنت كده ألتحقت بالدورههتحفظ ميعاد الدورة ذى أسمك عشان فى الاخر لما تيجى تعمل إخلاء طرف من الجامعه بتمليهم ميعاد الدورة ولو مش حافظوا كأنك مش عملتها

مده التربية العسكريةأسبوعين (12 ) يوم تقريبا

مكان عمل الدورة فى كفايه إنتاجيه أمام قاعه المنتديات

هناك بتعمل الطابور وبتاخد محاضراتك فى مبنى كفايه بتاع تشييد

أول يوم بتروح فيه بيقولولك على التنبيهات لازم تمشى عليها عشان تنجح فى الدورة لان فى ناس بيعيدوها عن تجربه شخصيه

والتنبيهات دى

أول 3 كلمات بتسمعهم شعرك ودقنك وسوالفك

1/الذقن وممكن المتدنينون يكلموا القائد ويسيبوها

2- الشعر الطويل المطلوب الراس 3 مم والجانبين 2 مم والسوالف قصيرة ..

3- التاخير عن الطابور (الساعة 7 ونصف).. فى رمضان بيكون تسعه إلا ربع

الانصراف بيكون الساعه 3 ايام عاديه فى رمضان 2 أو ممكن 1

4- محادثة المعلم (ويكون برتبة عسكري) بطريقة غير لائقة وساعات بيكون القائد واللى ماسك حاليا برتبه رائد

5- عدم تنفيذ الاوامر بشكل جيد او عدم الانضباط في الطابور

6- التاخر عن المحاضرة النظرية

7- الغياب طبعا لو غيبت اكتر من يوم بتتلغى الدورة كلها

8- الذى وبيكون بنطلون جينس غامق اللون وقميص كحلى أو أى لون غامق

يعنى مش ينفع أى ألوان تانيه

9- ممنوع أصطحاب المحمول معاك فى الدورة أول يوم فى الدورة سماح عشان مش تعرف النظام بعد كده لو حسوا بوجود الموبايل فى جيبك أو شافوه معاك بياخدوه ومش بتاخدوا غير فى أخر يوم فى الدورة أو يتقطع الكارنيه بتاعك والدورة تتلغى أنت حر يا الدورة يا المحمول

واللى يضحك أول ما يشوفوا الموبايل معاك فى المحاضرة يقولولك صورت أيه هههههه كأنك صورت أسلحه سريه مثلا هههه

هتتاخد مخالفه من غير ما تعرف ليه

لو فى أى حاجه من دول مش اتنفذت بتتاخد مخالفه و3 مخالفات بيلغوا الدورة كلها

أخد ريست وأبقى أرجع أكمل النظام واليوم بتقضيه أزاى هناك

نكمل على البركه

اليوم أول حاجه بتعمل الطابور وبيعلموك هما الطابور صفا وأنتباه والدورنات إلخ

كمان بيوزعوا عليك النشيد الوطنى لأن محدش حافظوا طبعا

الطابور تقريبا نص ساعه أو ساعه الا ربع على حسب تساهيل ربنا
وبيمروا عليك فيه يشوفوا الذى والدقن والشعر والسوالف

واللى بيلقوه مخالف بياخدوا الكارنيه بتاعه او بيستظرف

يعنى خليك فى حالك وخليك مع نفسك ومش تسمح لاى حد انه يمسك عليك حاجه

اللى مش عاجبه تصرفاتهم أو اتخانق معاهم ممكن يتقطع الكارنيه ليه وانت اللى خسران أو ممكن تطلب أنك تكلم القائد وغالبا مش بتاخد منه حق

بعد ما يخلص الطابور وتقول النشيد الوطنى

بيلموا كارنيهات كل الناس تجارة أداب تربيه ..إلخ عشان يسجلوهم فى الكشوفات حضور

وتاخد انت بعد الطابور ريست حوالى نص ساعه أوممكن أكتر وبيقولوك فى نهايه الطابور على ميعاد المحاضرة

يجى وقت المحاضرة تكون قاعد فى المدرج اللى هيقولولك عليه فى صفوف منتظمه كله ورا بعضه بترتيب معين تمام

وهما هيوزعوا عليك نوته درجتها سرى أقرى التعليمات اللى عليها فى النوته دى بتكتب محاضراتك فيها وبتتسلم اليوم اللى قبل الامتحان على طول

تكتب محاضراتك بنفس الترتيب اللى هيقلولك عليه

بعد كده هيوزعوا فى نهايه المحاضرات الكارنيهات وتروح تمام

ده بالنسبه لليوم فى نهايه الدورة بيطلب منك بحث أو لوح تعليميه

مثلا بحث عن أنور السادات مثلا

أو لوح تعليميه لكن اللوح بيشارك فيها مجموعه مع بعضها 20 نفر فى لوحه

وهما بينظموا ليكم اللى هيبقى معاكم وقائد المجموعه وبتدفع حوالى 5 جنيه عشان تشارك فى اللوحه والقائد هو اللى بيعمل طبعا اللوحه وفى الغالب هما بيقولوكم على حد متخصص فى اللوح دى لان لازم تكون موحده فى نظام الكتابه والتنسيق

ده النظام ككل لسه نظام الامتحان لما همتحن هقولك أوكى

أى أستفسار انا موجود إن شاء الله

نكمل على بركه الله أخر جزء وهو نظام الامتحان ومعلومات عامه عن التربية العسكرية

بنسبه للأمتحانات بتمتحن أمتحانين واحد عملى وواحد نظرى اللى بيمتحنك العملى العساكر ولا المقدم قرص عليهم زى النهارده كده هيقرصوا عليك يعنى ايه

أنت بتمتحن فى الحركات اللى أتعلمتهافى الطابور وهما طيبين بينجحوا المعظم لكن المقدم هددهم بالعقاب وانا بمتحن فكان اللى بيغلط غلطه فى

أى حركه بياخدوا الكارنيه بس مش تسكت تحاول وتكلم الرائد وهو اللى هيمتحنك

الأمتحان النظرى

تسع أسئله فى ورقتين كلهم صح وغلط سهل جدا

من المنهج ومن المعلومات العامه

معلومات عامه عن التربية العسكرية

( التربية هي قشور للحياة العسكرية ويجب على الطالب أن يتأهل ليؤديها ولا ينغمس فيها مباشرة )

الغرض الرئيسى من التربية العسكريةالأنضباط وإحترام المواعيد وحسن التصرف مع المسؤلين عنك حتى لو الأوامر مش عجباك

ثانيا

إفادة من التربية العسكرية بعد القسم العملي هو القسم النظري لهذا اعرض الأمر على عجالة :

القسم النظري هو عدة محاضرات يتلقاها الطالب عن طريق معلمي التربية العسكرية وهم يعلموه كل ما يفيده عن قشور الحياة العسكرية التي سيقدم عليها إن كُتب عليه التجنيد لتأدية الواجب الوطني وأيضا تعلم الطالب ما يفيده ويعلمه كل شئ عن الحياة الأولية العكسرية وأيضا يعلمه أمور العسكرية العامة وأقسام الجيش المعروفة للبعض والمجهولة للبعض الأخر ويعطيك القشور التي تُأهله لكي يكون طالب عسكري على درجة جيدة

ثالثا : التربية العسكرية هي أمرا تابعا لقيادة الدفاع الشعبي والعسكري وهي قيادة مهمة جدا فإن حدث تعبئة عامة من أجل حرب أو ما شابه يكون أمثال هؤلاء الطلاب الذين تلقوا التربية العسكرية هم نواة لدفاع عن المنشآت المدنية والحيوية والإقتصادية فى ظل إنشغال الجيش النظامي بالحرب وأيضا مهمته حماية وتأمين الخطوط الخلفية للدولة والجيش أثناء المعركةوهي أشبه بالحراسات المشددة والمنظمات الشعبية وإضافة الحماية اللازمة للشعب لهذا يعتبر الطالب مثله مثل الجندي على جبهة القتال مباشرة ؛ كما إنها تغرس روح الانتماء والولاء اللذين أصبحا غير متواجدين داخل البعض من أبناء هذا الوطن ودفع روح الحماسة والحمية داخل الطلاب من أجل خدمة تراب هذا البلد ..

النتيجه بتظهر بعد 15 يوم فى كشوفات فى الشئون بالنسبه للطلاب اللى لسه مش أتخرجوا بالنسبه للطلاب اللى أتخرجوا بيعرفوا نتيجتهم من مكتبالتربية العسكريةنفسه

وفى النهايه الكمال لله وحده أرجو أكون وفقت فى كتابه هذا الموضوع





أولا : هذا الموضوع منقول
ثانيا : تم نشر الموضوع للأفاده
ثالثا : نرجو التثبيت لأهميه الموضوع

كاتب هذا الموضوع يستحق ذكر أسمه لأنه بصراحه شكله تعب فى الموضوع
ahmedfrer
( رتبه محاسب مميز )
(منتدى..................)

ساعد في نشر والارتقاء بنا عبر مشاركة رأيك في الفيس بوك

المصدر: جامعة الزقازيق Zagazig University

---

hgjvfdi hgus;vdi f[hlui hg.rh.dr ? hg.rh.dr hgus;vdi