نفسنا نحب ونتحب ... ولكن ...........

التصرف جنونى ومتسرع شويه بس ده أكيد ساعة شيطان قالها هتفضلى ساكته لحد امتى اتكلمى بقى واكيد الشيطان زينلها الموضوع وده هو مستنيكى تتكلمى او عايز يحس بيكى عشان ياخد خطوه وحوارات الشيطان اللى مش بتخلص دى (هى البنات كده ساعات تصرفات غريبه كده جنونيه بتطلع فجأه وانا منهم هههههههههههه)
الفرق بينا وبين أهالينا فى المواضيع دى ان احنا بنفكر بقلبنا وبنبص تحت رجلينا والأهل بيبصوا لقدام وبيفكروا بالعقل وغالبا كلامهم هو اللى بيطلع صح (الكلام ده للبنات خلوا بالكم منه)
هو بيقول الكلام ده دلوقتى انا بحبك وعايزك بس مفيش شغل ولا شقه ولا لسه اخدت الشهاده ولا اى حاجه(وممكن بعد ما يشتغل ويكون نفسه يجى يفكر ف الموضوع بجديه وهى دى البنت اللى انا فعلا عايز ارتبط بيها ويلاقى لا مش هى دى اللى تكون زوجتى واللى طول عمرى بحلم بيها ) طريقة التفكير بتتغير بعد كده
وهى وانا عايزاك بس اهلى مش هيوافقوا (ولو لاقت حد مناسب وجه يتقدم وفيه كل الصفات اللى بتحلم بيها وكمان جاهز وأهلها موافقين عليه هتقول اوك وانا ايه اللى يعيشنى ف وهم وسراب مش عارفه اخرته ايه (لو فكرت بعقلها برضو وركنت قلبها ع جمب هتختار غير اللى بتحبه ده)
ياريت نفكر بعقلنا مش بقلبنا مراية الحب عاميه زى ما بيقولوا ودى بجد ع فكره
هنفترض انه خطبها مثلا يبقى كده خلاص المشكله اتحلت لا ده يبقى لسه طريقه طويل اوى وشال حمل كبير جدا عليه انه يجهز نفسه ف اسرع وقت وطبعا مش هيجهز نفسه ف يوم وليله وانتم شايفين حال البلد والشباب عامل ازاى وهى مش هتفضل 3 او 4 او 5 سنين مخطوباله مين هيرضى بكده ولو مش اتخطبوا هيفضلوا مرتبطين ببعض لحد اما ربنا يسهل وياخد الشهاده ويدور ع شغل ويشتغل ويكون نفسه (وطبعا الارتباط هنا حرام ومش ينفع) وساعتها كمان ممكن الاهل مش يوافقوا لأى ظروف او الولد تفكيره يتغير بعد كده ويقول مش دى اللى عايزها او البنت تبتدى تفكر بعقلها وتدور ع مصلحتها بلا حب بلا بتنجان وتتجوز غيره
و بدل المغاره اللى هما فيها دى ومش عارفين اخرها هيبقى ايه وحفاظا ع القلوب من الحب وما بعده من فراق محتوم احسن حاجه يبعدوا عن بعض ويسيبوا الموضوع لربنا وكل واحد هياخد نصيبه ومحدش بيتجوز مرات حد
ولو هما الاتنين من نصيب بعض ربنا هيجمعهم من تانى لو كانوا ف اخر الدنيا

ملحوظه صغنتتوته وخصوصا للبنات حافظوا ع قلوبكم حافظوا ع قلوبكم حافظوا ع قلوبكم متعشيش ف وهم مانتش عارفه اخرته ايه
تقبلوا مرورى وآسفه للأطاله