نتائج جامعة الزقازيق result Zagazig University


العودة     ازاي تفرشي شقة عروسة
تنبية   في حال وجود أي مواضيع او ردود مُخالفة من قبل الأعضاء ، يرجى الإبلاغ عنها فورا باستخدام أيقونة تقرير عن مشاركة ( تقرير عن مشاركة مخالفة ) ، و الموجودة أسفل كل مشاركة .

ازاي تفرشي شقة عروسة


إضافة رد
 
أدوات الموضوع انواع عرض الموضوع
  #1  
قديم 07-19-2011, 02:15 AM
الصورة الرمزية لوليتا
لوليتا غير متواجد حالياً
مشرفة منتدى الاسرة والمجتمع

الأوسمة والجوائز
 
رقم العضويـــة: 7196
تاريخ التسجيل: Nov 2009
المشاركــــات: 2,997
آخر تواجــــــد: ()
المشاهدات: 11290 | التعليقات: 15

ازاي تفرشي شقة عروسة


ازاااى تفرشى شقتك ياعروسه ؟

ازاي تفرشي عروسة




وهقدم للعروسه شويه نصايح
ويااااااااااارب تقدر تستفيد منها


اولا
فرش الشقه المفروض يتفرش قبل الفرح بفتره مش كبيره
يعنى ممكن قبلها بأسبوع وممكن قبلها بتلات ايام مثلا
وده حسب ظروف كل عروسه وعلى حسب الشقه جهزت ولالا
العفش وصل كله ولالا
وانا شخصيا افضل اننا نفرش حجات منها قبل اسبوع من الفرح وحجات تانيه قبل الفرح بيوم لو امكن
ونبدأ بقى


ازاي تفرشي عروسة



اولا كده متكتريش اوى ف الناس اللى هتاخديها تفرش

يعنى انتى واختك واتنين او تلاته من صحابك ومامك ومتكتريش عن كده عشان متبقاش الدنيا هيصه وتبقى مركزه معاهم وهما بيرصوا..

وكمان حاولى يكون ذوقهم وستايلهم زيك عشان يسهلوا المأموريه عليكى
كمان يفضل متاخدوش اى اطفال معاكم
يعنى لو اختك او حد من صحباتك عنده اطفال بلاش يجيبهم لان طبعا هيبهدلوا الدنيا

وانتى رايحه تجيبى اى اكل سريع او من البيت ليكم

لان حوار الفرش ده بيتأخر ومش معقول هتجوعى الناس اللى انتى واخداها
وكمان مش معقول هتطبخى ف حاجتك الجديده
هههههههههه
اما الميه عادى ممكن تجيبى ازايز فاضيه من البيت وتملوها وتحطوها ف التلاجه
لان كده كده هنشغل التلاجه عادى

كمان خدى معاكى بيجاما او عبايه قديمه شويه عشان تلبسيها وانتى بتفرشى


وفى حاله لو حد من قرايب العريس جاى يفرش معاكو خدى عبايه حلوه البسيها زى بعضه ههههههههه
عشان المنظر العام بس



المستلزمات وادوات النظافه اللى هتاخديها معاكى


ازاي تفرشي عروسة


خدى كيس اريال الحجم الكبير وخدى بريل وخدى سفنجه مواعين وخدى جلانس وبخاخه فاضيه لو امكن
وياريت لو ديتول او اى مطهر

والحجات دى
ملهاش علاقه بأدوات نظافتك
يعنى مش هنقرب لادوات نظافه جهازك
دول خارج الحسابات

وخدى فوط مطبخ نظيفه وورق جرايد
اما المقشه والزعافه والمساحه ممكن تستعملى بتوعك عادى مش هتفرق
وممكن كمان تستعملى جردل النظافه ابو شرشوبه لو مضحيه اوى ههههه

وكمان عدى على محل بلاستيكات
زى الشطوره وهاتيلك رول مفارش فضى او دهبى حسب ذوقك لان هنحتاجه لفرش المطبخ ودولاب اوضه النوم وبوفيه السفره من تحت
واماكن تانيه كتير


دلوقتى وصلتوا الشقه

ازاي تفرشي عروسة


هتدخلوا وتبدأوا تقسموا المهام
يعنى فلانه ف المطبخ فلانه ف النوم
ولو انى افضل ان اوضه النوم انتى اللى تفرشيها وترصى حاجتك بنفسك
ليه؟
اولا لان فيها متعلقاتكم الشخصيه انتى وجوزك وميصحش حد يطلع عليها
وكمان لان الهدوم دى زى حاجه المطبخ هتستعمليها كل يوم ومش معقول كل لماتحتاجى حاجه تسألى مكانها فين ولو الامر كان صعب عليكى خلى حد قريب يساعدك مامتك اختك المهم انك تكونى موجوده

و بالنسبه للستاير الخفيفه او لو عندك براويز للشقه هتتعلق او تتركب تركبى وتعلقى كللللللل ده قبل التنظيف
لان دق البراويز ممكن يبهدل الدنيا شويه
والستايرلو متعلقه لميها على فوق كده وممكن تغطيها بملايه قديمه كده عشان متتعفرش


وهنبدأ
بغرفة النوم

ازاي تفرشي عروسة

لان فيها شغل كتير
زى رص الدولاب
وطبعا احرصى انك تقسمى الدولاب بالعدل بينك وبين زوجك
يعنى هو ربع وانتى تلات ارباع هههههههههه
نظرا لان حاجتك كتيره عنه طبعا

وبفوطه نظيفه كده امسحى ارفف الدولاب
هاتى بقى رول المفاارش وقسميها على ارفف الدولاب وكرريها وقصيها مره واحده
يعنى تاخدى مقاس رف واحد وتحطى عالرول كزا مره لحد ما تقصى العدد المطلوب
وافرشيها بقى وابدأى ف الرص وانتى وزوقك فيه
وعندنا هنا ف القسم افكار ووووعه لرص الدولاب ورص الفوط
ازاي تفرشي عروسة

وانا شخصياافضل ان ملاياتك وكوفرتاتك تكون فوق
اما هدومك والفوط تكون قريبه لايدك اما البطاطين واللحاف والمفارش بتوعك حسب مساحه دولابك
لو اخدها خير وبركه ماخدش يبقى تحت السرير
او فى دولاب اوضه الاطفال لو جايباها
وكمان احرصى على تعدد الالون ف الرص يعنى خليه شكله مبهر لما جوزك يفتح الدولاب كده
المساعد
كمان اللى بييجى مع اوضه النوم


ازاي تفرشي عروسة

ممكن
نستخدمه لرص شويه حجات خفيفه
زى شرابات جوزك ممكن طرحك ممكن اندراتك
ومن تحت كمان ممكن تستغليهم ف التخزين
وممكن تحطى عليه من فوق تلفزيون صغير ويبقى زى مكتبه ف اوضه النوم

ندخل بقى
عالتسريحه

ازاي تفرشي عروسة


امسحيها وامسحى المرايا بملع اللى جبناه وافرشي مفارشك ورصى الميك اب وحاجتك فيها واحرصى على تنوع الحجات اللى بترصيها مش الكميه
يعنى لو جايبه علبتين ايشادو كبار مش لازم تحطى الاتنين كفايه واحده وكذلك لو جايبه اقلام تحديد او كحل مش لازم نرص كله
هو مش معرض ياعروستنا
واعرفى دايما ان الرقه مطلوبه
ادراج التسريحه كمان استغليها ف رص باقى الميك اب وادوات عنايتك الشخصيه واى متعلقات ليكى او له
وكمان عندك
الكوميدينو

ازاي تفرشي عروسة

ممكن نستغله ف تخزين اى حاجه
ومن فوق طبعا هنمسحه ونفرش المفارش
وعلى مزاجك تحطى اباجوره او متحطيش حسب ذوقك
ناقص لسه
السرير

ازاي تفرشي عروسة

وده منصحش انك تفرشيه قبلها بفتره
يعنى يتفرش قبلها بيوم او يومين بالكتير عشان المفرش مش يتبهدل
وكده خلصنا رص اكنسي الاوضه بقى
ازاي تفرشي عروسة
وامسحيها
ازاي تفرشي عروسة
اما فرش مشايات النوم او السجاد كمان خليها قبلها بيوم او اتنين
وكده خلصنا من اوضه النوم

ندخل ع
اوضه الاطفال

ازاي تفرشي عروسة

هنضفها كويس ونفرش الملايات والمفارش بتوعها لو جايبين ونفرش دولابها بمفارش وممكن نرص فيه اى حاجه زايده عن اوضه النوم بتاعتك
ونحط انتيكاتها
ونمسحها
ازاي تفرشي عروسة

ونفرش سجادها او مشاياتها ونكنسها بالمكنسه ونقفلها

شارك برأيك عبر الفيسبوك Add Your Comment By Facebook




h.hd jtvad arm uv,sm h.hn jtvad uv,sm

التوقيع

لا اله الا الله محمد رسول الله

التعديل الأخير تم بواسطة لوليتا ; 07-19-2011 الساعة 02:28 AM
رد مع اقتباس
قديم 07-19-2011, 02:38 AM   #2
لوليتا غير متواجد حالياً
مشرفة منتدى الاسرة والمجتمع

الصورة الرمزية لوليتا

رقم العضويـــة: 7196
تاريخ التسجيل: Nov 2009
المشاركــــات: 2,997
آخر تواجــــــد: ()

ندخل على
اوضة السفره



وطبعا دى بتاخد موال ف الرص
هنبدأ بالبوفيه



برده هتفتحى البوفيه وتمسحيه بفوطه وتفرشي مفارشك البلاستيك وتحطيها ف الادراج وفى البوفيه من تحت
وابدئى برص البوفيه
وابدئى بطقمك الصينى
لييييه؟
اولا عشان كرتونته كبيره وواخد مساحه ومعطل المرور
ثانيا عشان نستغل كرتونته اننا نجمع فيها باقى الكراتين الفاضيه اللى هنفتحها او اى ورق بيطلع
وهنرص معظم الصيني
ف البوفيه
ونخلى حجات بسيطه للنيش على جنب يعنى طبقين من كل حجم وطقم الشاي
والقهوه والسوسييره او سلطانيه الشوربه الكبيييييييره اللى بتتحط ف النص دى ههههه
والباقى ف البوفيه

وهنرص فيه اى اطقم مينفعش تترص ف النيش او زايده عن النيش وده حسب حاجتك
ادراج البوفيه رصى فيها اجزاء من شنطه المعالق لو ملهاش مكان
او رصى فيها اطقم معالق فردانيه قيمه كده مثلا
او ترصى اى حاجه تحبيها

ندخل على
النيش حبيب الملايين



هتمسحى ارففه بملمع الزجاج من بره ومن جوه وتمسحى الخشب بملمع الخشب
وتفرشي مفارشك
الشيك لو حابه
او ممكن لما تخلصى تحطى ورد مجفف ف الاركان وفى النص
وتبدئى ترصى كاساتك القيمه فقططط


مش كل كاساتك وكزلك طقم الشربات والخشاف والقهوه والشاى





وتكون كلها حاجات شيك وقيمه
وبلاش تكلكعى ف الرص النيش بالذات كل ما يفضى ينور كده ويبقى اجمل
وهنحط ف النص جزء الصينى اللى احنا سيبناه ع جنب
وزينيه بكريستالات
وانتيكات صغننه كده والقسم مليان موضوعات لكيفيه رص النيش ممكن نرجعلها
وبعد مانخلص نقفل النيش بالراحه

ندخل على
طرابيزه السفره نفسها




ننفض كراسيها كويس
ونلمع السفره ونفرش مفرشها
ونحط انتيكاتنا


عالبوفيه وعالسفره
اما سجاده السفره

طبعا المفترض انها تتحط قبل السفره ولو مش حطينها
هنمسح
ونفرشها ونكنس بالمكنسه الكهربائيه
ونقفل الاوضه
ده لو كانت السفره ف اوضه
لو السفره مفتوحه ع رييييسبشن
يبقى نخلى المسح كله مع بعضه

وندخل على الريسيبشن

ع حسب شقتك





هتنضفى الكنب بالراحه كده وترصى
الخداديات وتمسحى الطرابيزه اللى ف النص وتفرشي مفرشها
وتمسحى مكتبه التلفزيون

وتمسحى التلفزيون وتفرشى مفارش فيها ورصى انتيكاتك فيها او كتب اى حطي الريسيفر او اى جهاز عندك
لو جايبه ال سى دى يبقى تمسحيه وبس كده
وهنمسح الاوضه

ونفرشها بالسجاد لو حابين ونكنسها بالمكنسه الكهربائيه
ونحط اخيرا الانتيكات على الترابيزه

وتذكرى دايما ان الرقه مطلوبه



ندخل
عالصالون



ومش هيختلف كتير
هننفضه بالراحه ونمسح الجراندات اللى عالجنبين لو جايبه
او تمسحي الأباجورات
لو جايبه وزى ما حفظتم
هههههههه
نمسحها

ونفرش السجاده ونكنس بالمكنسه
وف الاخر نمسح الترابيزه ونحط مفرش الصالون وانتيكاتك


ونقفل الصالون


فى هذه الاثناء هيكون المطبخ بيترص



واحرصى انك تكونى عارفه مكان كل معلقه فيه
وطبعا هنظف الارفف والادراج ونمسح الخشب او الالوميتال من بره
ونفرش مفارشنا ونبدأ نرص وعلى حسب حاجتك وكمياتها
والاجهزه اللى جايباها
وحجم مطبخك
كل ده انتى ادرى بيه
بس عامه حاولى متكركبيش فيه اوى لانك بتقضى فيه نص عمرك تقريبا
ولانه هيغنيكى عن بهدله الشقه لو حبيتى تاكلو فيه
وحاولى تبقى الحجات اللى هتستخدميها ع طول تبقى تحت ايدك وقريبه منك زي الخلاط



طقم توزيع
طقم توابل
حامل مجات




الصوانى





ورصى بقى تلاجتك ورصي التوابل والخزين
واطقم الحلل والصوانى تبقى تحت ف التقفيله
المقشات والمساحه ف دولاب النظافه
بلاستيكاتك وزعيها حسب اهميتها ليكى
خلى باسكت الزباله جنب ايدك قدر الامكان
هتنظفى البوتاجازوتمسحيه
وهتغسلى الحوض كويس وتنشفيه
وتمسحى الرخامه
وتمسحى المطبخ

وتفرشي مشايته




التوقيع

لا اله الا الله محمد رسول الله
  رد مع اقتباس
قديم 07-19-2011, 02:45 AM   #3
لوليتا غير متواجد حالياً
مشرفة منتدى الاسرة والمجتمع

الصورة الرمزية لوليتا

رقم العضويـــة: 7196
تاريخ التسجيل: Nov 2009
المشاركــــات: 2,997
آخر تواجــــــد: ()

جزء مهم كمان ف الشقه
البلكونه

تركبى الاحبال وتحطى علبه المشابك ع جنب كده وفيهاالمشابك طبعا
ننفض الشيش طبعا كويس او ممكن نخليه مع تنفيض شيش وشبابيك الشقه كله
وبعدها نغسله بميه بس عشان ميجيرش
او ممكن تغسليه ع طول لو تحبى

وياسلام لو جايبه زرع هيديكى منظر كمان
وتمسحى البلكونه كويس وتقفليها


واخيرا ندخل
عالحمام




عشان نروقه مش حاجه تانيه
ههههه


وهتبدئى بتنظيف البانيو والتواليت

ومسح السيراميك
وتلميع مرايه الحمام
وترصى الحجات على الاستاند بتاع الشامبوهات اللى ع جنب او المتعلق فوق


وطبعا هتكون ستاره الحمام والبانيو راكبه هتفرديهم كده


وهتبدئى تتشطفى انتى واللى معاكى عالسريع كده
وف الاخر اما تخلصوا تمسحوا الحمام بديتول

عشان التعقيم وتحطى ف التواليت ديتول
واستنى اما الحمام ينشف شويه وافرشي طقم الحمام



واقفلى الحماااااااااام


وكده تقريبا خلصنا فرش الشقه وهتكون واقفه على فرش السرير والسجاد لوكنتى لسه مبقياه للاخر
واخيرااا
قبل ماتمشوا بقى لموا كل متعلقاتكم من اكل وادوات نظافه وورتبوا مكانكم
وبخروا الشقه وشغلى اذاعه القرآن



واقفلى شقتك ياعروسه



والف مبروووك

وأخيرا
اتمنى يكون موضوعى عجبكم
وقبل اى حاجه افادكم
ولو عجبككم ادعولى من صالح دعائكم بصلاح الحال
ومتنسوش التقييم




  رد مع اقتباس
قديم 07-19-2011, 10:34 PM   #4
NONOO غير متواجد حالياً
مشرفة عامة

الصورة الرمزية NONOO

رقم العضويـــة: 2407
تاريخ التسجيل: Mar 2009
مكان الإقــامة: ام الدنيا
اللقــــــــــب: خريجة
الكليــــــــــة: الآداب
المشاركــــات: 17,650
آخر تواجــــــد: ()

موضوع مهم جدا يا لولو

موضوع يثبت لاهميته



التوقيع






السعادة هى قطرات من الرحمة تسقط من السماء ... لا تطرق الأبواب ... لكنها تنساب على اسطح القلوب الطيبة .

  رد مع اقتباس
قديم 07-20-2011, 03:04 AM   #5
رحاله فى احلامى غير متواجد حالياً
طالب ماجستير

الصورة الرمزية رحاله فى احلامى

رقم العضويـــة: 8994
تاريخ التسجيل: Apr 2010
مكان الإقــامة: ارض عالم الاحلام
المشاركــــات: 1,585
آخر تواجــــــد: ()

والله انتى سكرررررررررررررررر
الف شكر ليكى
الموضوع دى كان ف بالى ومحيرنى جدا




التوقيع

  رد مع اقتباس
إضافة رد

الكلمات الدلالية (Tags)
ازاى, تفرشي, عروسة

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

Facebook Comments by: ABDU_GO - شركة الإبداع الرقمية
الساعة الآن 07:30 AM.

جامعة الزقازيق Zagazig University





جميع الحقوق محفوظة : طلبة جامعة الزقازيق
Admin Page Info: Karim El-safory@2011
Specially Powered by vBulletin® Version 3.8.4
Copyright ©2000 - 2014, Jelsoft Enterprises Ltd
Ads Management Version 3.0.1 by Saeed Al-Atwi
( Edited By : MoHaMeD ZeZo ) .
For best browsing ever, use Firefox.
( سياسة الخصوصية ) .

Preview on Feedage: %D8%AC%D8%A7%D9%85%D8%B9%D8%A9-%D8%A7%D9%84%D8%B2%D9%82%D8%A7%D8%B2%D9%8A%D9%82-zagazig-university Preview on Feedage: %D8%AC%D8%A7%D9%85%D8%B9%D8%A9-%D8%A7%D9%84%D8%B2%D9%82%D8%A7%D8%B2%D9%8A%D9%82-zagazig-university-%D8%A7%D9%84%D8%A3%D8%AE%D8%A8%D8%A7%D8%B1-%D8%A7%D9%84%D9%85%D8%AD%D9%84%D9%8A%D8%A9-%D9%88%D8%A7%D9%84%D8%AF%D9%88%D9%84%D9%8A%D8%A9-current-events